一路順風

今日 突然收到我五叔過左身既消息
雖然一路都知道佢每日都要洗腎 洗少次都好大件事
但係總係相信佢應該都仲有段日子要行
不過始終都係唔聲唔聲咁就走左

我呢個阿叔都同我一齊工作過一段唔短既日子
對我黎講 佢算係我最熟既親戚了
其實 當聽到話佢走左既果下 我都呆左

當屋企人叫我去醫院時 雖然我係一口拒絕左
因為我真係唔想見到d親戚喊苦喊忽既樣
我阿叔走左的確我都幾難過 但可能對佢黎講係件好事
起碼唔使日日洗腎咁辛苦 又唔使戒呢樣戒果樣
街又冇乜得去 乜人生樂趣都冇晒咁
同埋佢最擔心果兩個女 亦都大個女喇
可以走都走得安樂d

最後 真係誠心希望你o係另一個世界過得開心啦
你都要保佑你家人過得好呀

屎忽痕

所以話 做人唔應該屎忽痕 如果唔係 受傷既多數會係自己
好耐 好耐未試過痛到入心既感覺 今日竟然俾我再一次試到

一個人有好奇心係好事 但係真係千萬唔好去搵一d曾經令自己痛過 嚐試測試下而家會唔會令自己再痛既事

分開左咁多年 雖然一路都知道自己從來都未放低過佢 但係總覺得就算知道佢近況又好 見到佢另一半都好 相信都唔會有太大感覺 但係今日 我發現自己真係錯晒 原來 當我知道佢過得好好 當我知道佢另一半係點樣既時候 雖然未至於心痛到會去死 但係依然會心痛到想喊 心痛到想去打佢另一半一身

曾幾何時 佢同我講果句經典說話 今日我開始有點認同
睇返以前同而家既自己 除左個人老左之外 原來 我真係未成長過
即使佢有冇同我分開都好 我相信 我仍然會咁懶 我個世界仍然好細
我依然好鍾意打機 我依然好鐘意訓覺 我依然有工唔去開
我依然好依賴屋企 我依然未可以獨立...

原來 我真係未變過 原來除左外表老d之外 我仲好細個 我仲好白痴
我仲停低左o係某一處 我仲未搵到自己既方向
或者係我自己唔願行掛 我唔知道 我真係唔知道
我淨係知道 今日既我 真係好撚迷

傻佬

昨日 細佬同我講 話某傻佬o係佢個扑度留言叫細佬去睇傻佬個扑
咁我當然都要俾俾面 去望望個傻佬寫左D咩啦
內容基本上就冇乜架喇 大致上係講佢去日本咁囉
佢去左日本玩我就一早知架喇 本來都冇乜特別既
但係 佢最後寫既野 實在令我有少許火起

佢係咁寫既 我就完完整整咁copy過黎啦

已前我同我前女友好想一齊去日本玩
而家得我自己去,佢冇份去(真係唔好意思)
我地分手都一年,冇掛住佢就呃你地既
希望佢早D搵到個愛人同佢一齊去日本玩番轉啦!!!!!!!!


想當日 傻佬個女朋友離佢而去既時候
我都有盡力去幫傻佬收下風 套下佢女朋友真正既分手原因係乜野
而最後既真相係佢有選擇之餘 當然係唔少得果句經典說話啦

一個咁樣樣既女人 何其有幸得到我個傻佬兄弟既愛
就算分左手 依然希望佢得到幸福 你話 我個傻佬兄弟係咪真係好傻呢....

可是 小弟唔明 點解因為帶唔到佢一齊去日本玩而要唔好意思?
唔咩好意思??當日唔係佢自己放棄今日同你一齊玩既權利咩?
當日佢唔係好有型地講左一句佢睇唔到將來咩?你為何道歉?

我明白你仍然掛念佢既心情 我亦都明白你留戀有佢o係你身邊既日子呢種心情

但我唔明既係
當日你同佢一齊儲錢 你倆都有份一邊儲一邊洗
而後因為儲蓄不多 而狠心地將責任全部推o係你身上後離開你既人
呢D經唔起風吹雨打既愛情 呢D輕易因風化而變得脆弱既感情
一個咁樣既女人 點解要送上祝福? 點解要希望佢搵到愛人?
你兄弟我實在唔明....

聊天對象

好耐未試過同一個女仔傾計傾足一晚了

今日有幸 可以再嚐試呢種感覺 講真 真係要多謝呢個女仔

雖然我同呢個女仔並唔係認識左好耐 對佢認識唔多

但亦可能因為咁 先可以同佢傾到咁耐

大家係咪覺得好奇怪 點解認識唔耐先可以傾咁耐呢?

因為 當同一個自己認識左好耐既人傾計時

你會發現 你對呢個人太了解 了解到一個地步 佢就變成你既家人一樣

而你對佢 就正如對自己o既家人一樣 你唔會同家人分享你o既生活

因為你o既生活就係同家人一齊而組成

你唔會同家人分享你o既愛情觀

因為有好多時你都唔會想要家人要擔心自己d感情問題

更加唔會同家人分享你o既愛好

因為作為你o既家人 相信都會好清楚你o既愛好

好多事情 根本唔需要講到出口 都已經明白大家諗緊乜

所以有好多時候 同呢d家人傾計 九成時間都係好靜的 係唔多講野的


但如果同一個唔太認識既人傾計 情況就好唔同

你可以對住佢 講下自己o既生活點滴

可以講下大家o既喜好 可以講下大家既經歷

可以講下過去既開心事 傷心事

又可以講下工作上既不如意事

如果見無聊 可以講埋國家大事添


所以 有時同唔太認識既人傾計 感覺真係幾好

而最好既係 當傾完計之後 相信大家對傾過o既內容都唔會太上心

等到大家都忘記對方到一定程度時 又可以重新傾過

直到真真正正認識到對方時 可能你已經搵到另一個傾計對象

再一次以陌生人既身份 去分享自己既世界 去認識更多o既世界了

決心

都好耐冇打過Blog喇 雖然呢排發生左件大災難 但都係提唔起決心去寫低記得

講起決心 我發現原來我由細到大都好欠缺呢樣野
其實都唔止係冇 到當我真係有決心去做一件事果陣 結果往往會係另一個極端

就好似 細個既時候 我曾經好有決心想去考第一 但最後通常都係包尾

就好似 細個既時候 我曾經決心想過大個要做警察 但最後我都係做左賊

就好似 細個既時候 見到我老豆有第二頭家 唔理我老母同我地時
我曾經好決心咁諗過我大個一定會對女仔好好 但最後我對女仔仲衰過我老豆

就好似 當我中學既時候 決心唔會做黑人 更唔會隨便恰人
但到最後我都係一個非洲食人族

就好似 當我大個既時候 決心要好好做運動修身既時候
但到最後我都係一個死肥仔

就好似 當我拍緊拖決心要好好工作養埋佢既時候
但到最後我連自己都養唔掂

就好似 當我決心要放低佢 好再搵過另一個既時候
但到現在都未放得低佢 更搵唔到另一個人

就好似 當我決心想死 唔好再累人累物既時候
但到現在我依然生活得肥肥白白

就好似 當我今日突然好有決心想記低512大地震既時候
但我打下打下就直頭唔記得左寫呢樣野 重寫埋咁多九唔搭八野

咁樣既一個我 其實做事重應唔應該提起決心呢?

另外 我真心希望各界人仕 對中國今次既災難能夠有錢出錢 有力出力 有野出野
如有時間,機會,金錢 我都會上去幫助一下中國的同胞 好讓佢地能早日脫離苦難

重遊舊地

近日，小弟因為一Ｄ原因　返左去舊居一次
亦見返一個多年冇見既兄弟
可能由於太耐冇見過關係　佢俾我既感覺完全唔同晒

以前既佢係四大天王之中最爛玩既一個
亦都係最博愛既一個
今時今日既佢竟然變左最老豆既一個　真係令我大感愕然
以前有型冇款既佢　真真正正令我明白到乜野叫做瞬間變柒頭

四大天王中　有三個都已經結左婚　而結婚原因同樣都係奉子成婚
所以話呢　香港既性教育係幾咁失敗呢．．．

再講返個舊居　我發現好多野都冇變到　連Ｎ年前既塗鴉都仲o係度
老實講　睇返都真係幾多回憶　真係諗返起唔少往事
特別係果條後樓梯　真係回憶集中地　行兩步真失左憶都乜記得返晒
而回憶當中　我發現O係果度既回憶　開心既事情係多過唔開心既好多好多

所以　有時我都真係覺得幾可惜　如果可以　我絕對唔想搬．．．　

新年快樂

首先同大家講聲恭喜發財先啦～
大家新年去左邊度玩呢，小弟我就去左南寧.河北玩左幾日
不過其實基本上成個行程都唔係點玩 主要都係睇下風景呀 買下野呀咁囉
雖然係咁 但係又唔係話好悶 起碼都叫做好過冇野做啦下話
咁詳細係點呢 我就唔講喇 想知就自己去下啦

不過呢次o係成個行程黎講 小弟有幾個頓悟

第一:過農曆新年一定要返大陸!!

第二:去旅行一定要帶遊戲機去玩!!

第三:去旅行最好唔好帶女去...

第四:俄羅斯真係正!!

次序

琴日 有個女仔打電話俾我同我傾左陣計
其實成個電話都係傾無聊野 本來冇乜值得寫嘅
但係佢問左我一個經典問題 雖然呢個問題我聽過無數次
不過我都好認真咁分析俾佢聽

佢個問題係咁既
o係我而家嘅心目中 愛情 朋友 家庭 事業 呢四樣野會點排?
佢問嘅時候 個次序真係咁問...其實會唔會即係話左俾我聽其實佢自己就係咁排呢?

而我自己既答案就係咁嘅

家庭第一 因為對我黎講家人係無可取代既 我可以為家人放棄愛情同事業
所以家庭重要過愛情同事業 雖然家人同朋友比較難取捨 但係只要問一問自己
如果我老母同我細佬一齊趺落水我一定會救我老母先 所以家人係重要過朋友

朋友第二 朋友o係我心裡面亦都係一個非常重要嘅存在 雖然我同我D朋友好日都唔搵大家一次
但係當大家一齊出街又可以成班人嘻嘻哈哈咁咁玩埋一堆 係好開心嘅一件事黎
不過今次奇怪D 如果問我 我細佬同我最愛嘅女人又一齊趺落海 我會救我最愛嘅女人先...
但係如果問嘅係 假設我細佬俾人恰 我最愛嘅女人唔俾我去幫佢 我肯定會星巴佢...
所以我選擇左朋友排第二

答到呢度 個女仔就懶醒咁同我講 咁即係愛情第三 事業第四啦
你話呢個世上 點解D女仔總係要懶醒....

事實上我會覺得事業重要過愛情
因為當你明白到 愛情唔係話講句我愛妳 妳愛我 跟住大家齊齊食風嘅時候
就會明白 愛情嘅基礎 其實係錢

可能有人會話愛情同事業根本冇抵觸 係可以共存架
我可以話你聽 曾幾何時 我都咁以為
但係當有一日你想O係事業上面衝 但係佢話你冇時間陪佢
到你除左返工放工以外 D時間俾晒佢佢又話你冇出色嘅時候
你就會明白晒 原來 愛情同事業係不可共存的