第一次寫blog 我發現我其實真係一個幾悶既人
因為我實在唔知可以寫d乜
而事實上 我就正如大部份人一樣 生活平凡
身邊亦都冇乜特別事發生過 所以都唔會有什麼啟發
所以在呢個前提之下 呢個blog我會當佢(日/周/月/季/年/)記咁打
點解會係(日/周/月/季/年)記? 因為我自己都唔知幾時先有野好打....
不過今次係第一次 就隆重其視 是但吹吹佢好了
今日老母煲番薯糖水食 正當我甜到入心咁食之際
突然諗到 曾經我都係一粒番薯黎
由細到大 老實講 我真係冇野叻
唔係講笑 我讀書唔叻 人際關係唔叻 工作能力唔叻
甚至係連玩都唔會叻果隻....
所以今日食同類 真係有點於心不忍.....不過真係好好食^^
望下個日歷 就黎7.1喇啵
再記深d 原來回歸有十年喇啵
諗返起回歸前 呀老彭其實幾強下
一上任冇耐就整個新九組打鎚班大爺先
順手搞多個排污排下錢 可能佢知道d錢好污要排下
跟住係咁咦用幾件華人做d乜長物長
之後又整個蘇洲機場玩下
呢個一擔沙糖一擔屎既做法 真係食住唔少人
而我...就係其中一粒被老彭食住既番薯....
再諗返當時 我呢粒番薯仲俾人食得好開心添
冇辦法啦 我當時仲細 再加上o岩o岩(被個好鬼死大頭佛既農夫)掘起
貪威識食 得意忘形既我
又點會諗得到 老彭係一個咁高深既人呢...
佢係高到就算人都走左 仲會留一大堆麻煩野俾你
但係你又真係吹佢唔漲喎..
所以話 老彭呀老彭 你係得既!!
千古罪人個名其實唔襯你..個名都係留俾托你上位果d番薯先係真!!
2 則留言:
老彭作為港督己是鐵一般的歷史，他在你心目中的地位相信亦無容置疑，但現實是，過去的應讓他自然的過去，回憶在腦海內，亦是歷久常新，得閒回味，也是人生一大樂趣。
有機會，實應好好地為這一份情，這一個意結，作一個好好安排，讓新的接班人，再次掘起這舊被埋在地下多年的番薯。
還有一件事未講，荷蘭是全球第一個同性戀合法結婚的國家，這些荷蘭的同性戀者可能日日都會食六種水果，【柑、蕉、桔、李、籮、柚】，或者他們可能都養了六種動物，【雁、鷲、鵰、狸、獅、狒】，得聞而經濟許可的話，真的要去荷蘭阿姆斯特丹見識見識，那裡的紅燈區，是合法召妓，而那裡的咖啡店有合法的大麻售賣，唔召唔吸都應該去睇一睇，認真的體會體會。
發佈留言