「我睇唔到我地嘅將來」..我今日有幸又再一次聽到呢句經典說話
雖然今次亦都係由一個女仔講俾我聽，不過同上次唔同嘅係..
呢句說話裡面嘅「我地」 呢次冇我份....因為今次嘅主角係我朋友
但當我每一次聽到呢句「我睇唔到我地嘅將來」嘅時候
就算係唔係同我講都好 我都會覺得火滾.....
究竟點樣樣嘅將來 先叫做有將來呢?
呢個問題 由我第一次聽到之後 直到而家我都答唔到...
還是根本呢句說話只不過係一個奇怪嘅分手藉口?
的確 當初我第一次聽到呢句說話時 就連我自己都覺得佢講得幾o岩
因為事實上我當時真係冇做過任何一件會令佢覺得有將來嘅事
但今次事件嘅主角 相比起我的話....佢絕對係一個80%好男友 100%好老公
可能 佢同我一樣 學歷唔高 只能做d粗重工作 過去又唔係好見得人
但至少佢勤力 至少佢收入穩定 至少佢唔會去滾 至少佢冇乜不良嗜好
最多佢都係小賭一下唧 除此之外佢平時真係乖到乜咁架啦...
但依然同我一樣...聽同一句說話 行同一條路...
你話呢句「我睇唔到我地嘅將來」係咪高深莫測呢...
由最初開始 「妳們」都應該已經知道 「我們」嘅過去已經令將來成了定局...
既然如此 當初何必堅持走下去呢?
既然當初堅持 何必又半途而廢呢?
2 則留言:
聽起來真係好dry...
想一想，笑一笑，一個聽了數百次既愛情故事，個ending差唔多識背。好似小朋友聽故仔一樣，一邊聽一邊喊住" 點解? 點解? "
創作藝術或者欣賞藝術，我們都慣常用"投入"這個詞句，什麼叫投入?怎樣才算投入? "忘我"或許是一個標準。
"我"的執著，是煩惱之源，一切名利追求，貪心自私，怨怨恨恨，不是從"我"而來嗎?
我男友常掛著口邊，沒有我，沒有這個世界。
你可以無限大，也可以無限小；沒有人看小你，只有自己看小自已。
一個好好的啟發...
本少爺的老婆話左我一句金句“冇我，呢個世界有咩都冇用”，但係我仲有一樣野同你有同感，就係冷冷清清，係我同你兩隻魔鬼面前，又真係一個好(笨)(七)老公。
仲有一樣野，將來係一個冇人知道的時期，最重要都係做好而家，將來就自自然然會出來。
睇唔睇到將來，閒事一件。一條女想分手就講睇唔到將來，咁一條仔想叫雞，可唔可以講話“係因為條女滿足唔到我先”。
全部都係佢講。如果係我，就會由得佢，佢自己講飽啦，仲要比個咪佢，方死冇人聽到咁款。
講到呢度，我老婆仲要講多句，原來本少爺真係有足夠理由去叫雞架‧‧‧哈哈
發佈留言