當分離在即 相隔遙遠兩極 要別去的只能加倍地愛惜
好像雙手一放 雖然充滿盼望 生命都給牽走一片最好的
將感情累積 別離才有價值 掛念會將生活空與白著了色
身在天邊海角 思念不會缺席 再見為了他朝更親暱
讓前路越去越有方向
想將感動你的歌唱多一遍 眼前無端一閃亮帶一點茫然
也許我的眼淺 還是不捨得你望見
想好好地看清楚每一張臉 眼前靈光一閃像照片般留存
來讓你的好鑲進心底好到永遠
燈依然未熄 鍵琴仍要努力 最後這一曲無需軟弱像歎息
不是種種改變 都能通過試煉
我信讓我緊握過的手 十年後亦會令我溫暖
還想將感動你的歌唱多一遍 眼前無端一閃亮帶一點茫然
強忍過的掛牽流落於腮邊
還想好好地看清楚每一張臉 眼前靈光一閃像照片般留存
連淚眼昏花 都似千顆璀璨美鑽～
～～～～～～～～～～～～～～～～～～～～～～～
上面堆字其實係一首歌 一首我好鍾意既歌
咁點解我今日會特別打上個扑度呢...?
唔知...唔好問!!
講返首歌先
講真我覺得呢首歌既歌詞真係相當唔錯
特別係呢句「將感情累積 別離才有價值 掛念會將生活空與白著了色」
呢句D詞真係填得好有意思
而事實上 掛念的確係會將白色果部份著左色
有人紅色...有人黃色...有人青色...有人灰色(可多選)
咁「空與白」個空呢?點解佢冇填埋呢?
其實佢係用「著了色」答左架喇
因為掛念一個人既時候
有人會特登自己上色而令自己冇空
亦有人會為左令到自己褪色而冇空
甚至有人會自己上完色再走去褪色而令自己非常冇空...
我曾經係第三種....
而你 又會係邊種呢?
3 則留言:
點解我o個種黑色冇既?
你唔講，我又真係唔會問你點解打呢首歌落個BLOG度，但係你講左，我一樣唔會問，知道問你都係費話，不過話時話，得閒果時都可以講來聽下，我份人都好守秘密架，哈哈。
空呢下野有時都真係幾圓，唔係你想佢係咩色就咩色，有時想佢係黃色，佢就變左係白色，有時想佢係藍色，佢又變左係紅色，但係我變得最多都係灰色，仲要係灰到黑果隻，超級無癮。
我想...愛情既顏色係"彩色"，
美好而有回億的。
我想...相處既顏色係"黑色"，
隻眼開，隻眼閉。
我想...結婚既顏色係"紅色"，
請帖多，人情多。
我想...分手既顏色係"透明"，
睇唔到，唔傷心。
但點解會用顏色去表達感覺...
發佈留言