研究生

今日 我用左足足一日時間去研究點樣o係個扑度放歌
雖然係就係俾我試到點樣放到首歌上黎 但係我仲係唔多滿意
因為而家只可以o係主頁度放得果一首歌咁大把
離我諗住可以放一堆歌上黎嘅目標仲差好遠呢...

不過都唔好睇少呢一首歌 佢好話唔好聽都叫做有成績啦
正所謂「今日嘅一小步 就係他日嘅一大步」
由我呢個電腦白痴 一手一腳放到首歌上黎真係一D都唔易架
淨係上網搵教學都搵到我死死下...

不過話時話 咁做會唔會有版權問題我真係唔多清楚
如果真係有問題嘅話 單聲我知 等我拿拿聲刪左佢
免得俾人告丫嘛