堅！！

由細到大　無論任何時候　對住任何人我都好少會講大話　
唔係話我唔識講大話　而係因為我覺得　大話唔係講完就算　
一個大話要令人相信　又要諗又要扮又要夾時間　係好麻煩嘅一件事黎
所以好多時　我會選擇乜都唔講　好過去為左呃一個人而搞咁多野

但係好得意地　從來我嘅說話都好難令人相信　
無論我講乜野都好　好多人都會抱住半信半疑既態度黎聽
有時候　甚至會直接地選擇唔信我所講嘅說話添
其實我明白點解　因為我講說話嘅時候　即使係好認真嘅事我都會用平常嘅態度講出口
所以其他人唔信都唔出奇　反正我都係抱住「信就信　唔信就算」呢個信念黎講說話