傻佬

昨日 細佬同我講 話某傻佬o係佢個扑度留言叫細佬去睇傻佬個扑
咁我當然都要俾俾面 去望望個傻佬寫左D咩啦
內容基本上就冇乜架喇 大致上係講佢去日本咁囉
佢去左日本玩我就一早知架喇 本來都冇乜特別既
但係 佢最後寫既野 實在令我有少許火起

佢係咁寫既 我就完完整整咁copy過黎啦

已前我同我前女友好想一齊去日本玩
而家得我自己去,佢冇份去(真係唔好意思)
我地分手都一年,冇掛住佢就呃你地既
希望佢早D搵到個愛人同佢一齊去日本玩番轉啦!!!!!!!!


想當日 傻佬個女朋友離佢而去既時候
我都有盡力去幫傻佬收下風 套下佢女朋友真正既分手原因係乜野
而最後既真相係佢有選擇之餘 當然係唔少得果句經典說話啦

一個咁樣樣既女人 何其有幸得到我個傻佬兄弟既愛
就算分左手 依然希望佢得到幸福 你話 我個傻佬兄弟係咪真係好傻呢....

可是 小弟唔明 點解因為帶唔到佢一齊去日本玩而要唔好意思?
唔咩好意思??當日唔係佢自己放棄今日同你一齊玩既權利咩?
當日佢唔係好有型地講左一句佢睇唔到將來咩?你為何道歉?

我明白你仍然掛念佢既心情 我亦都明白你留戀有佢o係你身邊既日子呢種心情

但我唔明既係
當日你同佢一齊儲錢 你倆都有份一邊儲一邊洗
而後因為儲蓄不多 而狠心地將責任全部推o係你身上後離開你既人
呢D經唔起風吹雨打既愛情 呢D輕易因風化而變得脆弱既感情
一個咁樣既女人 點解要送上祝福? 點解要希望佢搵到愛人?
你兄弟我實在唔明....