兄弟

唔知道大家有冇兄弟 我講既兄弟 唔係同一個老母生 有血緣關係既兄弟
而係一種由朋友關係 昇華到一種出生入死般既感情關係

小弟我有幸 就有幾個呢種兄弟
有D係由細識到大 由嬰兒時代就開始 慢慢變成兄弟
有D係幾歲人仔時期o係街邊玩玩下既朋友仔 慢慢變成兄弟
有D係出黎浦既時期 因為換煙而換返黎既兄弟

雖然時期各有不同 但我都當佢地係我既兄弟 親人一樣
同時我亦都唔相信呢種關係會因為年齡或距離而出現變化

不過畢竟人越大 一齊出黎玩既時間越少 甚至可能一年都見唔到一兩次面
但既然係兄弟 至少唔會因為呢種原因而令關係變質

或者可以咁講 只要我當一個人係兄弟時 無論幾耐冇聯絡都好
你都會係我兄弟

或者到有朝一日 你同我o係電話度吹兩句都嫌我煩既時候
冷嘲熱諷話我既時候 甚至明明白白咁話我既時候
甚至你覺得 我已經由你既兄弟變成朋友 再由朋友變成路人
又或者直到有日 直頭唔記得左有我呢個人既時候

唔緊要 你依然係我兄弟
至少我係咁諗