淚....?

大家有冇喊過?因咩事喊?
有冇試過發夢喊到醒左?

我琴晚訓覺發左個夢...
可能個夢真係好慘,所以今日訓醒我成面濕晒....

不過發夢係好奇怪既一件事
發果陣明明身歷其境一樣
但係一訓醒 九成好難記返起夢過d乜
不過我夠勁,琴晚個慘夢 我仲好記得依稀記得到果部份!!

地點我唔知o係邊度黎 不過個地方冰天雪地既
我相信唔係南極就係北極 再唔係就係西伯利亞
點解我會估呢三個地方?
因為冰天雪地既地方我淨係知呢三個......

內容係我o係果度係釣緊魚既
釣釣下我唔知做乜鬼趺左落水

[夢裡面既我]好積極地想游返上岸
點解我要括住夢裡面既我呢幾隻字?
因為現實既我係好積極想死既人,
積極生存好難發生o係我身上.........

講返個夢先
話說我正積極地游返上岸之際
水面竟然快速咁結晒冰
我一路掙扎 一路下沉
雙眼入水,雙耳入水,個鼻入水,個口飲水...
未等到夢裡面既我沉到落水底,我就醒左喇

呢個慘夢雖然唔知慘o係邊
但係我塊面濕到真係妝都溶埋
仔細d黎講,係近窗一帶全部都濕晒...
於是我伸伸懶腰...慢慢..慢慢咁起身....關返隻窗
之後就行出間房....見到老母好休閒咁睇緊電視
我就問一問佢:咁大雨做乜唔同我關窗...
佢答我話:o下!!落緊雨咩!!
之後佢就衝左去收衫....
而我.....就好慘咁又換床單又換枕頭套又剩咁喇...

ps.個夢仲有其他人陪我一齊死.不過我唔記得左係邊個,所以唔提